काठमाडौँ । विश्वकै सर्वाधिक शक्तिशाली राष्ट्र अमेरिकालाई कोरोना संक्रमणसँग लडन चुनौतीपूर्ण बन्दै गएको छ ।

यो समाचार तयार पार्दासम्म अमेरिकामा १७ हजार ५५ जनाको मृत्यु भइसकेको छ । विश्वको कुल मृत्युको करिव १६ प्रतिशत अमेरिकामा मात्रै भएको छ । यो इटालीपछिको सर्वाधिक मृत्यु हो ।

एक साताभन्दा बढी समयदेखि अमेरिका संक्रमितको सूचिको शीर्ष स्थानमा छ । अहिले ४ लाख ७५ हजारको हाराहारीमा संक्रमित पुष्टि भइसकेको छ ।

अमेरिकामा उपचारपछि ठीक हुनेको संख्या २६ हजार पुगेको छ । पछिल्लो १० दिनको तथ्यांक हेर्दा अमेरिकामा दैनिक औसतमा ३० हजारभन्दा बढी संक्रमित थपिने गरेका छन् । दैनिक उपचारपछि ठीक हुनेको संख्या भने थपिनेको तुलनामा ६ प्रतिशतको हाराहारीमा मात्र छ । चार सातादेखि लामो समयसम्म उपचार गर्नुपर्ने कारणले पनि यो प्रतिशत कम देखिएको हो ।

यस्तो छ अमेरिकाको दैनिक मृत्युको ग्राफ

यो सामग्री तयार गर्दासम्म विश्वभर १६ लाख ३२ हजार ५७७ जना संक्रमित रहेको र ९७ हजार ५८३ मृत्यु भएको छ । त्यसैगरी ३ लाख ६६ हजार ५८४ जना उपचारपछि ठीक भएका छन् ।

हेर्नुस् सबै देशको विवरण