काठमाडौं । नेपाल कम्युनिस्ट पार्टी (नेकपा) का अध्यक्ष एवं प्रधानमन्त्री केपी शर्मा ओलीले मंसिरमा पार्टीको महाधिवेशन गर्ने प्रस्ताव राखेका छन् ।
पार्टी अध्यक्ष र प्रधानमन्त्री दुवै पदबाट राजीनामा दिनुपर्ने माग र दबाब उठिरहेका बेला ओलीले नयाँ प्रस्ताव ल्याएका हुन् ।
शनिवार बालुवाटारमा बसेको सचिवालय वैठकमा ओलीले यस्तो प्रस्ताव गरेका हुन् ।
तर 'प्रस्ताव सकारात्मक भए पनि पत्याउन भने नसकिने' सचिवालय बैठकमा नेताहरुले बताएका छन् ।
वरिष्ठ नेता माधवकुमार नेपालसहितका केही नेताहरुले भने दुई अध्यक्षले औपचारिक रुपमा प्रस्ताव ल्याउन माग गरेका थिए ।
'विगतमा पनि यस्ता यस्ता प्रस्ताव आउने गरेको तर, निर्णय भएर पनि कार्यान्वयन नहुने गरेको' भन्दै नेताहरुले बैठकमा लिखित प्रस्ताव ल्याउन अध्यक्ष ओलीलाई आग्रह गरेका छन् ।
