काठमाडौं : नेपाली कांग्रेसका वरिष्ठ नेता रामचन्द्र पौडेल राष्ट्रपति निर्वाचित भएका छन् ।
एमाले उम्मेदवार सुवासचन्द्र नेम्वाङलाई पछि पार्दै पौडेल राष्ट्रपति बनेका हुन् ।
पौडेलको पक्षमा ३३ हजार ८०२ र नेम्वाङको पक्षमा १५ हजार ५१८ मतभार परेको थियो ।
बिहीबार बिहान १० देखि सुरु भएको मतदान दिउँसो ३ बजेसम्म राष्ट्रपतिका लागि मतदान भएको थियो । नयाँ बानेश्वरस्थित संसद् भवनको ल्होत्से हलमा संघीय सांसद् र प्रदेशसभा सदस्यका लागि बेग्लाबेग्लै मतदान केन्द्र कायम गरिएको थियो ।
निर्वाचित हुन कुल मतको ५० प्रतिशतभन्दा बढी मत प्राप्त गर्नुपर्छ। ५० प्रतिशत मत कटाउन नसके पुनः निर्वाचन गर्नुपर्ने कानुनी व्यवस्था छ। राष्ट्रपतिको चुनावको कुल मतभार ५२ हजार ६२८ थियो ।
