प्रधानमन्त्री केपी शर्मा ओलीले सभामुख अग्निप्रसाद सापकोटाविरुद्ध चर्को अभिव्यक्ति दिएसँगै सर्वोच्च अदालतमा आज सापकोटाविरुद्धका द्वन्द्वकालिन तीन मुद्दाको पेशी चढेको छ । एमसिसी प्रकरणमा सभामुख र प्रधानमन्त्रीबीच विवाद चर्केको बेला आएको एकमुष्ठ पेशी चढ्नुले बाघ कराउनु र बाख्रा हराउनु भनेझैँ संयोग मिल्न गएको छ ।
सापकोटा सञ्चार मन्त्री हुँदा १० वर्षअघिको काभ्रेमा अर्जुन लामाको हत्यासम्बन्धी मुद्दा यतिखेर बल्झिएको छ ।एकातिर सभामुखको भूमिकालाई लिएर प्रधानमन्त्रीले चर्को आलोचना गर्नु, अर्कोतिर संसद अधिवेशन अन्त्य गरिएको भोलिपल्ट पेशी चढ्नुलाई व्यवस्थापिका प्रमुखलाई खुस्काउनै खोजिएको संकेत देखिन्छ । दोषी ठहर गरेर सभामुख हटाउन खोजेकाे सन्देश प्रवाह भएको छ । अर्कोतिर अदालतमा सभामुखविरुद्ध एक दशकअघिका मुद्दा एकमुष्ठ पेशी चढ्नुुले देशकाे राजनीति एकाएक तातिएकाे हाे ।
एमसिसिलगायतका विषयलाई संसदमा टेबल गर्न नदिएकाे भन्दै प्रधानमन्त्री केपी शर्मा ओली सभाखदेखि असन्तुष्टी हुँदै आएका छन् । प्रधानमन्त्री ओलीले चार वर्षअघि तत्कालीन सरकारले गरेको ५० करोड डलरको एमसिसिकाे समहति अझैसम्म सरकारले संसदबाट अनुमोदन गर्न सनक्नुमा सभामुख अग्नि सापकोटा र पूर्वसमभामुख कृष्णबहादुर महरालाई दोष दिँदै आएका छन् ।
फागुन २३ गते सुरु भएको प्रतिनिधिसभाको बैठक नौ पटक बसिसक्दा पनि प्रधानमन्त्री केपी शर्मा ओली सबै बैठकमा अनुपस्थिति अुनुलाई पनि प्रधानमन्त्री र सभामुखको तकरावकै कारण बुझिएकाे छ । गत शनिबार बालुवाटारमा प्रधानमन्त्रीले बोलाएको सर्वदलीय बैठकमा आवश्यक परे सभामुख सापकोटालाई हटाउनुपर्नेसम्मको प्रस्ताव राखेका थिए । ओलीले प्रतिनधिसभाले बिजनेस नपाउनुमा सापकोटालाई दोष दिएका छन् । अमेरिकी सहयोग नियोग मिलेनियम च्यालेन्ज कर्पोरेसन (एमसीसी) सँगको सम्झौतालाई अघि नबढाएकाेमा सापकोटासँग ओली बढी रुष्ट देखिन्छन् ।
बैठक चालू भएको डेढ महिनासम्म अधिकाँश बैठक शोक प्रस्तवमै सीमित हुँदै सोमबार हिउँदे अधिवेशन अन्त्य भएकाे हाे भने त्यस लगत्तै सभामुखविरुद्धका ३ मुद्दाकाे पेशी चढ्नुलाई अर्थपूर्ण मानिएकाे छ ।