काठमाडौं । सरकार र विप्लव समूहबीच एकै दिन दुई चरणको वार्ता भएको छ ।
सरकारी वार्ता टोलीका सदस्य तथा प्रधानमन्त्रीका परराष्ट्र मामिला सल्लाहकार राजन भट्टराईका अनुसार पहिलो चरण बुधबार दिउँसो र दोस्रो चरण बेलुका गरी एकैदिन विप्लव समूहसँग दुई चरणको वार्ता भएको हो ।
सरकार र विप्लवबीच पहिलो चरणको वार्ता बुधबार बिहान भएको थियो । भट्टराईका अनुसार वार्ता विषय केन्द्रित भएको दुवै पक्ष समान धारणा नजिक पुगेको छ ।
