काठमाडौं । नेपाली कांग्रेसका सभापति शेरबहादुर देउवाले अमेरिकाको संसद भवनमा भएको हिंसात्मक घटनाले आफू स्तब्ध भएको बताएका छन्।
बिहीबार पार्टी सभापति देउवाले एक ट्विट गर्दै सो कुरा बताएका हुन् । सो ट्विटमा देउवाले युएस कंग्रेसमा भएको घटनालाई निर्लज्ज दृश्यले स्तब्ध बनाएको बताए ।
'अमेरिकी कँग्रेसमा भएको निर्लज्ज दृश्य देखेर आफू स्तब्ध भएको छु । सत्ता हस्तान्तरण शान्तिपूर्वक हुनुपर्छ भनेर जनताले बोलिसकेका छन् । हामी अमेरिकी नागरिकको सुखद भविष्यको कामना गर्छौं,’ देउवाले भने ।
I am shocked by the outrageous scenes at US Congress! The people have spoken - the transition to the next government must be peaceful! We wish the all US citizens peaceful days ahead!
— Sher Bahadur Deuba (@DeubaSherbdr) January 7, 2021
राष्ट्रपति निर्वाचनको मतपरिणाम प्रमाणित अमेरिकी संसदको संयुक्त बैठक बसेका बेला बुधबार ट्रम्प समर्थकले संसद भवनमा छिरेर तोडफोड गरेका थिए। घटनामा चारको ज्यान गएको छ भने दर्जनौं पक्राउ परेका छन् ।
