काठमाडौं । नेकपा प्रचण्ड–माधव समूहका अध्यक्ष माधवकुमार नेपालले केपी ओली नभई ओली प्रवृत्ति समस्या भएको बताएका छन् ।
नागरिक समाजका अगुवाहरुसँग बिहीबार भएको अन्तर्क्रियामा नेता नेपालले सो कुरा बताएका हुन् । सो अन्तरक्रियामा प्रधानमन्त्री केपी ओलीको तौरतरिकामा चित्त नबुझेपछि यसअघि आफूले संसदमा देश डुब्न लायो भनी अभव्यक्ति दिएको बताए ।
त्यही बोलेवापत आफूलाई खेदेको भन्दै उनले कार्यशैली सुधारका लागि पार्टीमा आवाज उठाएको बताए ।
कोरोनालगायत जनताका मुद्दामा पार्टीभित्र बहस गर्न खोज्दा छलफल नै नगरेपछि आफूहरुको केही नलागेको उनको भनाइ थियो ।
केपी ओली होइन, ओली प्रवृत्ति पार्टीभित्र र बाहिर सबैका लागि समस्या भनेको भन्दै उनले भने, ‘यो निरंकुश तानाशाही प्रवृत्ति हो । यो प्रवृत्तिले लोकतन्त्रमाथि धावा बोलेको छ, संस्थागत प्रणालीमाथि धावा बोलेको छ, संविधानमाथि धावा बोलेको छ ।’
