काठमाडौं । नेपाल विद्यार्थी संघले संसद विघटनको विरोधमा मसाल जुलुससहित विरोध प्रदर्शन गरेको छ । नेविसंघले मंगलबार साँझ राजधानीको रत्नपार्कदेखि भोटाहिटीसम्म मसाल जुलुससहित प्रदर्शन गरेको हो ।
सो प्रदर्शन मसाल जुलुसपश्चात् रत्नपार्कस्थित शान्ति बाटिकामा कोणसभामा परिणत भएको थियो । सो कोणसभालाई सम्बोधन गर्दै विद्यार्थी नेता कुन्दन काफ्लेले प्रधानमन्त्री केपी ओलीको संसद विघटनको कडा विरोध गरे ।
उनले नेकपाको कोठे राजनीतिले देशका तमाम जनतालाई गुमराहमा राखेको भन्दै आक्रोश पोखे । उनले सर्वोच्च अदालले जनताका पक्षमा फैसला गर्ने विश्वासमा आफुहरु रहेको दाबी गरे ।
