रामेछाप । रामेछापको लिखु तामाकोशी गाउँपालिकाका अध्यक्ष गोविन्द खड्का पक्राउ परेका छन् ।
अपहरण तथा शरीर बन्धकसम्बन्धी कसुर गरेको अभियोगमा उनी शुक्रबार पक्राउ परेका हुन् ।
उपभोक्ता समितिका दर्पण घिसिङलाई बन्धक बनाएर चेकमा सही गर्न लगाएको अभियोगमा उनलाई पक्राउ गरिएको रामेछाप प्रहरीले जानकारी दिएको छ । खड्का नेकपाको तर्फबाट अध्यक्ष भएका थिए ।
हाल उनलाई नेपाल कम्युनिस्ट पार्टी (नेकपा) ले निलम्बन गरेको जनाइएको छ ।
