काठमाडौं । सत्तारुढ दल नेकपा र प्रमुख प्रतिपक्षी नेपाली कांग्रेसबीच नागरिकताको विषयमा मत विभाजन हुँदा विवाद उत्पन्न भएको छ ।
पछिल्लोसमय नेकपाका नेता तथा सांसदहरु नेपाली कांग्रेसविरुद्धमा एकपछि अर्कोपछि उत्रिएका छन् ।
यसैक्रममा राष्ट्रिय सभा सदस्य तथा नेकपाका नेता वेदुराम भुसालले नेपाली कांग्रेसले नागरिक विधेयकबारे राजनीतिक दुर्घटना निम्त्याउने भन्ने अभिव्यक्तिप्रति आपत्ति प्रकट गरेका छन् ।
साथै, उनले केका लागि दुर्घटना निम्त्याउने भन्दै नेपाली कांग्रेसलाई प्रश्न गरेका छन् । केही दिनअघि मात्र नागिरकता विधेयकमा विवह गरेर ल्याएकालाई सात वर्षपछि मात्र नागिरकता दिने प्रावधान राखिए त्यसले देशमा ठूलो दुर्घटना निम्त्याउने बताएको थियाे । त्यसैप्रति लक्षित गर्दै उनले यस्तो बताएका हुन् ।
‘के भारतसँग जोडिएन नेपाल भनेर ? के भारतको छोटेभाइ भएन नेपाल भनेर ? हामीले हाम्रो आफ्नो स्वतन्त्र कानुन बनाउँदा मुठभेट गर्ने कारण के छ? नेपालले आफ्नो खुट्टामा आफैँ उभिनुपर्छ भन्दा मुठभेट गर्ने,’ उनले भने ।
साथै, उनले भारतले सात वर्ष बसेपछि नागरिकता दिँदा नेपालले पनि त्यसो गर्दा के हुन्छ भन्दै कांग्रेसलाई प्रतिप्रश्न गरेका छन् ।
तर, यस विषयमा कांग्रेस सांसद जीतेन्द्र देवले संसदमै नेकपा नेता भुसालको भनाइलाई खण्डन गरेका छन् ।
उनले नेकपालाई नेपाललाई चीनको झोलामा राखी साम्प्रदायिक दंगा भड्काउन खोजेको आरोपसमेत लगाएका छन् ।
त्यसैगरी, उनले नेपाली पुरुषसँग विवाह गरी आएकाहरुलाई अंगीकृत नागरिकता नदिँदा राजनीतिक र प्रशासनिक अधिकार प्राप्त नहुने बताउँदै यसले सांस्कृतिक अधिकारमाथि आक्रमणसमेत गर्ने मत राखेका छन् ।
जसको जवाफमा नेकपाले राजनीतिक अधिकारबाहेक अन्य अधिकारका लागि स्थायी आवासीय अनुमतिपत्र प्रदान गर्ने बताउँदै नेकपाले कांग्रसलाई थुमथुम्याउन खोजे पनि यसैका आधारमा कांग्रेसले चित्त नबुझाउने संकेत गरेको छ ।
नेपाली कांग्रेसका सांसद डाक्टर मीनेन्द्र रिजालले सत्तारुढ दल नेकपा चिनियाँ कम्युनिस्ट नेताको प्रशिक्षण पछि लागेको आरोप लगाएका छन् ।
मंगलबारको प्रतिनिधिसभाको मंगलबारको बैठकमा उनले यस्तो आरोप लगाएका हुन् ।
यसका अलवा उनले चिनियाँ कम्युनिस्ट पार्टीका नेता सत्तारुढ नेपाल कम्युनिस्ट पार्टी (नेकपा)का नेताहरुलाई प्रशिक्षण दिने र आन्तरिक झगडा मिलाउने काममा संलग्न भएको पनि बताएका छन् ।
जसलाई उनले अपाच्य भएको बताएका छन् । यसका अलवा उनले विगतमा छिमेकी राष्ट्रसँगको विशिष्ट र कूटनीतिक सम्बन्धमा संवेदनशील हुन नसक्दा दुवै तर्फका नेता र दल आलोचित हुन पुगेको बताएका छन् ।
नागरिकताको विषयमा प्रमुख प्रतिपक्षी नेपाली कांग्रेससहित मधेसकेन्द्रित दल जसपा एक ठाउँमा छन् ।
जसपाका नेता राजेन्द्र महतोले सरकारले नागरिकता राष्ट्रियताको विषय बनाएको आरोप लगाएका छन् । यसका अलवा उसले सोमबार बेलुका मात्रै प्रधानमन्त्री केपी शर्मा ओलीको पुत्ला दहन गरेको छ ।
शनिबार नेकापाको निर्णयबमोजिम राज्य तथा सुशासन समितिले विदेशी महिलाले सात वर्षपछि मात्र सात वर्षपछि अंगीकृत नागरिकता दिने प्रावधानअनुसार सो समितिले सर्वसहमतिले पारित गरेको छ ।
