काठमाडौं । नेपालको संविधान (दोस्रो संशोधन), २०७७ नेपाल राजपत्रमा प्रकाशन भएको छ ।
सङ्घीय संसद्का दुवै सदनबाट सर्वसम्मत संशोधन प्रस्ताव पारित भइसकेपछि राष्ट्रपति विद्यादेवी भण्डारीले बिहीबार प्रमाणीकरण गरेकी हुन् ।
नेपाल राजपत्रमा बिहीबारकै मितिमा प्रकाशन भएको छ ।
नेपालको संविधानको दोस्रो संशोधनको प्रस्तावनामा नेपालको संविधान (दोस्रो संशोधन),२०७७ तुरुन्त प्रारम्भ हुने उल्लेख छ ।
संशोधन प्रस्ताव प्रतिनिधिसभाले गत जेठ ३१ गते र राष्ट्रियसभाले यही असार ४ गते दुई तिहाइ बहुमतले पारित गरेको थियाे ।
