काठमाडौं । संविधान संशोधनमा अनुपस्थित सांसदलाई नेकपाले स्पष्टीकरण सोधेको छ ।
सत्तारुढ नेकपाले निशान छापमा नेपालको नयाँ नक्सा समेट्ने गरी संविधान संशोधनका लागि शनिबार प्रतिनिधिसभामा अनुपस्थित भएका आफ्ना सांसदलाई स्पष्टीकरण सोधेको हो ।
नेकपा संसदीय दलका प्रमुख सचेतक देव गुरुङले पाँच दिनभित्र स्पष्टीकरण दिन अनुपस्थित सांसदलाई निर्देशन दिएका छन् ।
नेकपाले जेठ ३१ गते अनुपस्थित नेकपा हरिबोल गजुरेल, गोपालबहादुर बम, धनबहादुर बुढा र शिवकुमार मण्डल सांसदलाई स्पष्टीकरण सोधेको छ ।
