काठमाडौं । गृह मन्त्रालयले लकडाउनको समयमा प्रदर्शन गर्नेहरुलाई कारबाही गर्ने चेतावनी दिएको छ ।
गृहमन्त्रालयले बिहीबार एक विज्ञप्ति जारी गर्दै यस्तो चेतावनी दिएको हो ।
पछिल्लो समय सरकारविरुद्ध आन्दोलनकाक कार्यक्रम बाक्लै हुन थालेपछि गृहमन्त्रालयले आज यस्तो निर्णय गरेको हो ।
केही दिनदेखि प्रधानमन्त्री निवास बालुवाटारलाई आन्दोलनको केन्द्रबिन्दु बनाउँदै आएका छन् ।
साथै, गृह मन्त्रालयले बिहीबार विज्ञप्ति जारी गर्दै सामाजिक सञ्जालबाट आह्वान गर्ने, जुलस तथा शान्तिपूर्ण धर्नाका नाममा धेरै मानिस जम्मा हुने गरेको बताएको छ ।
गृह मन्त्रालयले बन्दबन्दीको आदेशविपरीत भन्दै गृह मन्त्रालयले १०० देखि ६०० रुपैयाँसम्म र एक महिनादेखि ६ महिनासम्म थुनामा राख्न सक्ने बताएको छ ।
