काडमाडौं । जनता समाजवादी पार्टी नेपाल (जसपा)का नेताहरु आइतबार निर्वाचन आयोग पुगेका छन् ।
समाजवादी पार्टी र राजपा दुई पार्टीबीच एकीकरणपश्चात बनेको जसपालाई औपचारिकता दिन उनीहरु निर्वाचन आयोग पुगेका हुन् ।
सो पार्टीले पाँचजना पदाधिकारीसहित ५२ जनाको नाम राखेर दर्ता गराउन लागिएको बताइएको छ ।
१० वैशाखमा समाजवादी पार्टी (सपा) र राष्ट्रिय जनता पार्टी (राजपा)बीच पार्टी एकीकरण गर्ने सहमतिअनुरुप सो पार्टी आइतबार निर्वाचन आयोग गएको हो ।
राजनीतिक दलसम्बन्धी ऐनमा एकीकरण वा गाभिने घोषणा गरेको ४५ दिनभित्र सम्झौताको प्रतिलिपि संलग्न गरेर निर्वाचन आयोगमा निवेदन दिनुपर्ने व्यवस्था छ । त्यसैअनुसार जसपा आइतबार निर्वाचन आयोग गएको हो ।
निर्वाचन आयोगलाई जानकारी गराएको ४५ दिनभित्र पार्टी दर्ता हुनुपर्ने प्रावधान रहेको छ । ठिक ४५ दिनपछि पार्टी दर्ताका लागि जसपाका नेताहरु आयोग पुगेका हुन् ।
