काठमाडाैं । नेपाली कांग्रेसका नेता प्रदीप गिरिले कृषिमा बजेट एथेष्ट गर्नुको सट्टा कनिका छरेझै छरेको बताउँदै चक्रव्यूहमा परेकाहरुलाई सुरक्षितसँग फर्किनका लागि शुभकामना दिएका छन् ।
कांग्रेस सांसद प्रदीप गिरिले पूर्वमन्त्री सैलजा आचार्यलाई स्मरण गर्दै चक्रव्यूहमा परेकाहरलाई सुरक्षित फर्किन शुभकामना दिएका हुन् ।
उनले भुसाललाई प्रतिभाशाली र प्रतिबद्ध भएको बताउँदै उनी अभिमन्यु चक्रव्यूहमा प्रवेश गरेझैँ एउटा तन्त्रमा प्रवेश गरेको बताएका छन् ।
अप्ठेरोमा परेको भन्ने कृषिमन्त्रीको आत्मानुभूतिका लागि धन्यवाद दिँदै गिरिले भुसाल अप्ठेरोमा पर्नुको कारण प्रधानमन्त्रीमात्रै जिम्मेवार नभएको बताउँदै संसदीय व्यवस्था र संसदको राग पनि दोषी रहेको बताएका छन् ।
साथै, उनले बजेटले कोरोनाको संकटलाई अवसरमा बदल्ने आशा ध्वस्त गरेको बताएका छन् ।
शनिबार मन्त्रालयगत विनियोजनमाथि संसदमा बोल्दै सांसद गिरीले यस्तो बताएका हुन् ।
सबै मिलेर अडाएको पटक–पटक फेरिएको प्रणालीबाट हुन नसकेको काम कोरोना संकटका कारण हुन्छ कि भन्ने अपेक्षा गरिएपनि बजेट आएपछि त्यो सकिएको छ,’ उनले भने, यस्तो बजेट ल्याउने अर्थमन्त्री र त्यसलाई स्वीकार्ने प्रधानमन्त्री र मन्त्रिपरिषदले गणतन्त्रपछि आएको अवसर सदुपयोग गर्दै परिवर्तनको अनभूति दिन सकेनन् ।’
