काठमाडौं । नवलपरासीस्थित धौवादी फलामखानी आगामी आर्थिक वर्षभित्रै सञ्चालनमा ल्याइने भएको छ ।
राष्ट्रपति विद्यादेवी भण्डारीले सरकारको वार्षिक नीति तथा कार्यक्रम संसदमा प्रस्तुत गर्दै आगामी आर्थिक वर्षभित्रै उक्त खानी सञ्चालनमा ल्याइने बताइन् ।
‘देशभित्र रहेका खानीस्थलको अध्ययन र अन्वेषण कार्य अघि बढाएको छ, धौवादी फलाम कम्पनी स्थापना भएको छ । व्यावसायिक उत्पादनका लागि परीक्षण कार्य सम्पन्न भएको छ, आगामी आर्थिक वर्षमा पूर्वधार निर्माण तथा मेसिनरी जडान गरी उत्पादन सुरु गरिनेछ ।’ राष्ट्रपति भण्डारीले भनिन् ।
