काठमाडौं । प्रधानमन्त्री केपी शर्मा ओलीले बागलुङकी ६५ वर्षीया महिला मनकुमारी पौडेल कोरोना भाइरसमुक्त भइ अस्पतालबाट घर फर्किएकोमा उपचारमा संलग्न चिकित्सक, स्वास्थ्यकर्मी र सम्बद्ध सबैलाई धन्यवाद दिएका छन् ।
प्रधानमन्त्री ओलीले गएराति ट्विट गर्दै ती महिला दम र उच्च रक्तचापबाट पीडित भएपनि आत्मविश्वासका कारण उनीसँग कोरोना समेत पराजित भएको उल्लेख गरेका छन् ।
प्रधानमन्त्री ओलीले पौडेलको दीर्घायुको कामना गरेका छन् । उनलेले शनिबार नै काठमाडौंमा उपचाररत नेपालको दोस्रो कोरोना संक्रमित प्रसिद्धी श्रेष्ठ निको भएर घर फर्कीसकेकोमा पनि खुशी व्यक्त गरेका थिए ।
