काठमाडौँ । नेकपा सचिवालयको बुधबारको बैठकले उपाध्यक्ष वामदेव गौतमलाई राष्ट्रियसभामा लैजाने गरी गरेको निर्णय तीन घण्टा पनि टिकेन ।
अध्यक्षसमेत रहेका प्रधानमन्त्री केपी शर्मा ओलीले नै त्यो निर्णय नटेर्ने भनेबाट केही प्रश्न उब्जिएका छन् ।
मुख्य प्रश्न अध्यक्ष ओली स्वयंले नचाहेका थिए भने बैठकले त्यस्तो निर्णय किन गर्यो ?
के भनेका थिए त ओलीले बैठकमा ?
बैठकमा ओलीले नै वामदेवलाई राष्ट्रियसभामा लैजाउँ तर अरू निर्णयहरू भने पछि गरौँला भनेको एक सचिवालय सदस्यले बताए ।
ती सचिवालय सदस्य भन्छन्- ओलीको त्यो भनाइमा पीडा र आक्रोश दुवै थियो । किनकि त्यसअघि नै ओलीले आफूविरुद्ध षडयन्त्र भएको बताइसकेका थिए । ओली त्यतिमा मात्र रोकिएका थिएनन् । उनले भनेका थिए- जस्तोसुकै षडयन्त्रको पनि सामना गर्न तयार छु ।
ओलीले उपाध्यक्ष गौतमलाई राष्ट्रियसभा सदस्यमा लैजाने, संविधान संशोधन तथा राष्ट्रपतिको अधिकार थप्ने विषयलाई गोलमटोल गरेर आफूविरुद्ध खेल खेलिएको भन्दै रोष व्यक्त गरेका थिए ।
पार्टी संगठनमा एक्लिएको महसुस गरेर अध्यक्ष ओलीले कुनै उद्देश्यले नयाँ तुरुप फालेको हुनसक्ने नेकपाका अर्का अध्यक्ष प्रचण्ड निकट एक नेताले बताए । उनले ओलीले सचिवालयको निर्णय नमाने पार्टी गहिरो संकटमा फस्ने जनाए ।
केपी ओलीले टेरेनन् सचिवालयको निर्णय, वामदेवलाई राष्ट्रियसभामा नलाने !
वामदेवलाई सांसद बनाउने नेकपाको निर्णय
