प्रमुख प्रतिपक्षी दल नेपाली कांग्रेसले सञ्चार तथा सूचनाप्रविधिमन्त्री गोकुल बास्कोटालाईं बर्खास्त गर्न माग गर्दै राष्ट्रियसभा बैठक अवरुद्ध गरेको छ । बैठक सुरु हुनासाथ कांग्रेस सांसद जीतेन्द्र देवले मन्त्रीलाई बर्खास्त गरेर छानविन गर्नुपर्ने माग गरे । प्रधानमन्त्री केपी शर्मा ओलीले राष्ट्रियसभालाई जवाफ दिनुपर्ने समेत उनको माथ थियो । लगतै कांग्रेस सांसदहरु आ आफ्नो स्थानमा उभिएर  बैठक अवरुद्ध गरेका छन् ।

 स्वीस कम्पनीका लोकल एजेन्ट विजय मिश्र र मन्त्री बाँस्कोटाबीच दुई मिनेट ३१ सेकेन्डको  संवाद बाहिरिएपछि यस विषयको थर रहस्य पर्दाफास भएको हो । बास्कोटा र मिश्रबिच घुस लेनदेनको विषयमा कुराकानी भएको पुष्टि भैसकेको भन्दै कांग्रेसले कारवाहीको माग गर्दै बैठक अवरुद्ध गरको हो ।  सार्वजनिक अडियोमा बाँस्कोटाले २० देखि २७ अर्बमा सेक्युरिटी प्रेस स्थापनाको काम सक्न पाए हुन्थ्यो भन्ने अनुरोध गरेका छन् । बाँकी रकम कमिसन आफूहरुले राख्ने आशय व्यक्त गरेका छन् ।