रुपन्देही । कोरोना संक्रमणका कारण रुपन्देहीमा थप दुईजनाको मृत्यु भएको छ ।
शुक्रबार मृत्यु हुनेमा रुपन्देहीको सिद्धार्थनगर नगरपालिका वडा -७ की ६४ वर्षीया महिला र सिद्धार्थनगर नगरपालिका-८ का ४५ वर्षका पुरुष छन् ।
मुटु अस्पताल रुपन्देहीको सिद्धार्थनगर नगरपालिका-७ की ६४ वर्षीया महिला भदौ ४ गते मुटु अस्पतालमा भर्ना भएकी थिइन् । उनमा भदौ १६ मा कोरोना संक्रमण पुष्टि भएको थियो ।
उनी उच्च रक्तचाप, मधुमेह, मृगौला रोग र निमोनियाबाट पीडित थिइन् । उनलाई ४ गतेबाटआइसीयुमा भेन्टिलेटरको सहायतामा उपचार गरिँदै आइएको थियो । भेन्टिलेटरमा राखी उपचारकै क्रममा उनको शुक्रबार बिहान मृत्यु भएको हो ।
त्यसैगरी, सिद्धार्थनगर नगरपालिका-८ का ४५ वर्षका पुरुषको होम आइसोलेसनमा मृत्यु भएको हो । चितवनको भरतपुर क्यान्सर अस्पतालमा उपचार गराउन गएका उनमा चार दिनअघि कोरोना पुष्टि भएको थियो । उनी मिर्गौलापीडित पनि थिए ।उनी डायलासिस गराउन भनी सो अस्पताल गएका थिए ।
योसँगै रुपन्देहीमा कोरोनाका कारण कुल १४ जनाको मृत्यु भएको छ ।
