बुटवल । रुपन्देहीमा थप एक कोरोना संक्रमित पुरुषको मृत्यु भएको छ ।
प्युठानको स्वर्गद्वारी नगरपालिका-७ का ५८ वर्षीय पुरुषको बुटवलस्थित गौतमबुद्ध सामुदायिक मुटु अस्पतालमा गएराति मृत्यु भएको हो ।
भदौ १० गते उनलाई अस्पताल भर्ना गरिएको थियो ।
कलेजो र फोक्सोमा निमोनियाको समस्या रहेका ती पुरुषमा भदौ १६ गते कोरोना संक्रमण पुष्टि भएको थियो ।
भेन्टिलेटरको सहायतामा उपचार भइरहेकोमा उनको गएराति ९ बजेतिर मृत्यु भएको अस्पतालका अध्यक्ष एजाज आलमले जानकारी दिए ।
योसँगै प्युठानको स्वर्गद्वारी नगरपालिकामा दुई जना कोरोना संक्रमितको मृत्यु भएको छ ।
यसअघि स्वर्गद्वारी नगरपालिका-७ का ६४ वर्षीय पुरुषको पनि कोरोना अस्पताल बुटवलमा मृत्यु भएको थियो ।
