काठमाडौं । कोरोना भाइरसको संक्रमणबाट विश्व प्रभावित हुँदा सबैभन्दा बढी मानवीय क्षति अमेरिकाले भोगेको छ ।

त्यहाँ दैनिक हजारभन्दा बढी मानिसले मृत्युवरण गर्नु परिरहेको छ ।

यो समाचार तयार पार्दासम्म अमेरिकामा ९ लाख ८८ हजारको हाराहारीमा संक्रमित पुगेका छन् भने साढे ५५ हजारको ज्यान गइसकेको छ । अमेरिकामा करिव १ लाख २० हजार उपचारपछि निको भएका छन् । अमेरिकाको न्युयोर्कमा मात्रै २२ हजार २७५ जनाको मृत्यु भइसकेको छ ।

अमेरिकामा बैशाख ९ गते सबैभन्दा बढी २ हजार ६८३ जनाको मृत्यु भएको थियो । पछिल्लो दिनमा हिजो आइतबार सबैभन्दा कम १ हजार १५७ जनाको ज्यान गएको छ ।

अमेरिकामा पछिल्लो एक साताको दैनिक मृत्यु संख्या :

अमेरिकामा मृत्यु केही घटेको तथ्यांक आए पनि स्थिति अझै भयावह छ । त्यसको तुलनामा पछिल्लो दिनमा इटाली र स्पेनमा भने मृत्यु केही हदसम्म नियन्त्रणउन्मुख हुँदैगएको छ । सुधारको यही गति रहेमा इटाली र स्पेन केही साताभित्र सहज अवस्थामा पुग्ने अनुमान गर्न सकिन्छ ।

हिजो आइतबार इटालीमा २६० जना र स्पेनमा २८८ जनाको मृत्यु भएको छ । इटालीमा चैत १४ गते सर्वाधिक ९१९ जनाको ज्यान गएको थियो भने स्पेनमा चैत २० गते सबैभन्दा धेरै ९६१ जना मरेका थिए ।

इटालीमा पछिल्लो एक साताको दैनिक मृत्यु संख्या :

स्पेनमा एक सातायताको दैनिक मृत्यु संख्या :

बढी मृत्यु भएका मुलुकमा फ्रान्स र बेलायतमा पनि पछिल्लो दिनमा अवस्था सुधारोन्मुख हुँदै गएको छ । हिजो आइतबार फ्रान्समा २४२ जना र बेलायतमा ४१३ जनाको मृत्यु भएको थियो ।

फ्रान्समा बैशाख ३ गते सबैभन्दा बढी अर्थात् १ हजार ४३८ जनाको ज्यान गएको थियो भने बेलायतमा चैत २८ गते सर्वाधिक ९८० जनाको मृत्यु भएको थियो ।

फ्रान्समा एक सातायताको मृत्युको अवस्था :

बेलायतमा एक सातायताको दैनिक मृत्यु संख्या :

यो सामग्री तयार गर्दासम्म विश्वभरमा २९ लाख ९५ हजार ७५७ जना संक्रमित पुष्टि भइसकेका छन् । त्यसमध्ये २ लाख ७ हजार २२ जनाको मृत्यु भइसकेको छ भने ८ लाख ८१ हजार ८४५ जना उपचारपछि ठीक भएका छन् । पछिल्लो दिनमा आइतबार मृत्युको संख्या पनि घटेको छ । आइतबार ३ हजार ७५१ जनाको मृत्यु भएको थियो । यो मार्च ३० (चैत १७) यताको सबैभन्दा कम मृत्यु हो । अप्रिल १७ (बैशाख ५) मा एकैदिन ८ हजार ३४१ जनाको मृत्यु भएको थियो ।

हेर्नुस् सबै देशको संक्रमण र मृत्युको अवस्था :