काठमाडौँ । कोरोना संक्रमणबाट ८८ प्रतिशत मृत्यु १० देशमा भएको छ । सबैभन्दा बढी अमेरिकामा मानवीय क्षति भएको छ ।

यो सामग्री तयार गर्दासम्म विश्वभर २१ लाख ८४ हजार ७३४ जना संक्रमित पुगेका छन् । मृत्यु हुनेको संख्या १ लाख ४६ हजार ८९९ पुगेको छ ।

अमेरिकामा ३४ हजार ६४१ जनाको ज्यान गएको छ । इटालीमा २२ हजार १७० जनाको मृत्यु भएको छ भने स्पेनमा १९ हजार ३१५ जनाले मृत्युवरण गर्नुपरेको छ ।

फ्रान्समा १७ हजार ९२० र बेलायतमा १३ हजार ७२९ जनाको कोरोना भाइरसले ज्यान लिएको छ । त्यसैगरी इरानमा ४ हजार ८६९, बेल्जियममा ४ हजार ८५७, चीन ४ हजार ६३२, जर्मनी ४ हजार ५२ र नेदरल्यान्ड्स ३ हजार ३१५ जनाको मृत्यु भइसकेको छ ।

यसपछि बढी मानवीय क्षति हुनेमा ब्राजिल १ हजार ९५२, टर्की १ हजार ६४३, स्वीडेन १ हजार ३३३ स्वीजरल्यान्ड्स १ हजार २८१, क्यानडा १ हजार १९५ जना छन् ।

विश्वको कुल संक्रमणको ३१ प्रतिशतभन्दा बढी संक्रमित अमेरिकामात्रै छन् । अमेरिकामा ६ लाख ७८ हजार २१० जना संक्रमित पुगिसकेका छन् । पछिल्लो एक सातायता त्यहाँ दैनिक ६० हजारभन्दा बढी संक्रमित थपिने गरेका छन् ।

त्यसपछि स्पेनमा १ लाख ८४ हजार ९४८ जना संक्रमित छन् । त्यसैगरी इटालीमा संक्रमितको संख्या १ लाख ६८ हजार ९४८ पुगेको छ भने फ्रान्समा १ लाख ६५ हजार २७ जनामा संक्रमण पुष्टि भएको छ ।

उता जर्मनीमा १ लाख ३७ हजार ६९८ जना, बेलायतमा १ लाख ३ हजार ९३,  चीनमा ८२ हजार ६९२, इरानमा ७७ हजार ९९५, टर्की ७४ हजार १९३, बेल्जियम ३४ हजार ८०९, ब्राजिल ३० हजार ८९१, क्यानडा ३० हजार १०६ र नेदरल्यान्ड्समा २९ हजार २१४ जनामा संक्रमण देखिइसकेको छ ।

त्यसैगरी रसियामा २७ हजार ९३८ र स्विट्जरल्यान्डमा २६ हजार ७३२ जना संक्रमित पुष्टि भइसकेको छ ।

हेर्नुस् सबै देशको शुक्रबार सवा २ बजेसम्मको विवरण :