बलिउड अभिनेत्री कृति सेननलाई पनि कोरोना संक्रमण पुष्टि भएको छ ।
फिल्म सुटिङको क्रममा चण्डीगढबाट हालै फर्किएकी उनको कोरोना रिपोर्ट पोजिटिभ देखिएको हो ।
उनले आफ्नो इन्स्टाग्राममा एक फोटो पोस्ट गर्दै आफू फिल्म सुटिङ सकेर घर फर्किएको जानकारी दिएकी छन् ।
घर फर्कने क्रममा उनले मुम्बईमा पत्रकारसँग कुरा गर्दै उनले आफूले एक मिनेट पनि मास्क नहटाउने बताएकी थिइन् ।
कृतिभन्दा अघि अभिनेता वरुण धवन र अभिनेत्री नितु कपूरको पनि कोरोना रिपोर्ट पोजिटिभ देखिएको थियो ।
दुबै राज मेहताको फिल्म ‘जुग–जुग जियो’को लागि सुटिङमा व्यस्त थिए ।
