कन्नड टेलिभिजनकी चर्चित अभिनेत्री मेबिना माइकलको २२ वर्षको उमेरमा मृत्यु भएको छ । मंगलबार बेलुकी सडक दुर्घटनामा उनको मृत्यु भएको हो ।
लोकप्रिय टिभी रियालिटी शो ‘प्याते हुडुगिर हाल्ली लाइफ’ की बिजेता मेबिनाको दुर्घटना नागमङ्गला तालुकको देवहल्लीमा भएको थियो ।
उनी मंगलबार आफ्नो गृहनगर मडिकेरी गइरहेका बेला दुर्घटना भएको भारतीय सञ्चार माध्यमहरुले उल्लेख गरेका छन् ।
भारतीय सञ्चारमाध्यम इन्डिया टुडेका अनुसार मेबिना आफ्ना साथीहरुसँग घर फर्किरहेका बेला बाटोमा उनको कार एउटा ट्र्याक्टरसँग ठोक्किएको थियो ।
रियालिटी शोका होस्ट तथा नायक अकुल बलाजीले सामाजिक सञ्जाल ट्विटरमा मेबिनाको मृत्युप्रति शोक व्यक्त गरेका छन् ।
उनले लेखेका छन्, ‘मलाई मनपरेकी प्रतियोगी र प्याते हुडुगिर हाल्ली लाइफकी बिजेता मेबिनाको अचानक मृत्युको खबर सुनेर आहत छु । मेबिना निकै सानी थिइन् र हँसीमजाक गर्ने उनको बानी थियो । म यो कुरामा अझै पनि विश्वास गर्न सकिरहेको छैन कि मेबिना अब यो दुनियाँमा छैनिन् ।
Shock to hear the sudden demise of one of my favourite contestant and winner of phhl 4 ..mebina,soo young and full of life,can't digest the fact..my prayers for her family to get over the tragedy🙏🙏 pic.twitter.com/KuB0UdsWnz
— Akul Balaji (@AkulBalaji) May 27, 2020
दुर्घटनाका बेला उनीसँगै रहेका उनका अन्य साथीहरु घाइते भएका छन् उनीहरुको नजिकैको अस्पतालमा उपचार भइरहेको छ ।
