एजेन्सी । एडल्ट फिल्म स्टार मिया खलिफा यही वर्ष आफ्नो प्रेमी रोबर्ट स्याण्डवर्गसँग विवाह गर्ने तयारीमा थिइन् ।
उनको विवाह सन् २०२० जुन महिनामा हुने तय भएको थियो ।
तर, संसारभर महामारीको रुप लिइरहेको कोरोना भाइरसका कारण उनले आफ्नो विवाह तत्कालका लागि स्थगित गरेकी छिन् ।
सामाजिक सञ्जालमार्फत उनले यसको जनाकारी दिएकी हुन् ।
मियाले सामाजिक सञ्जालमा हालै एक तस्विर शेयर गरेकी छिन् । सेतो कलरको ड्रेसमा सजिएर उनले ऐना अघि सेल्फी लिएकी छिन् ।
तस्विर शेयर गर्दै मियाले लेखेकी छिन्, 'रोबर्टसँग विहे गर्नुअघि यदि दुनिया खतम हुन्छ भने, मेरो क्लोसेटमाथि झुण्ड्याइएको १२ कपडामध्ये कुनै एक कपडा लगाइदिएर मलाई अन्त्य गरियोस् । यी सबै कपडा (पहिरन) आफ्नो विवाहमा लगाउने मेरो तयारी थियो । विवाह जुनमा हुँदै थियो ।'
यसै वर्ष मियाले प्रेमी रोबर्टसँग विवाह गर्ने घोषणा गरेकी थिइन् । उनका अनुसार, रोबर्टले विवाहको लागि प्रपोज गरेका थिए । त्यसपछि उनी विवाहको लागि तयार भएकी थिइन् ।
रोबर्टसँग मियाको दोस्रो विवाह हुनेछ । उनले यसअघि २०११ फेब्रुअरीमा हाइ स्कुलका प्रेमीसँग विवाह गरेकी थिइन् । २०१४ मा उनीहरुको सम्बन्धबिच्छेद भएको थियो ।
त्यसपछि मियाले एडल्ट फिल्ममा काम गर्न सुरु गरेकी थिइन् । मियाले केही महिनाअघि आफूले एडल्ट फिल्म खेल्न छाडेको बताएकी थिइन् ।
मियाले प्रेमी रोबर्टसँगको फोटो, भिडियो तथा आफना बोल्ड तस्विरहरु सामाजिक सञ्जालमा शेयर गरिरहेकी हुन्छिन् ।
रोबर्ट मूल रुपमा स्विडेनका हुन् । रोबर्टले अघिल्लो वर्षको मार्चमा शिकागोमा आयोजित एक स्पोर्टस् शोको क्रममा मियालाई विवाहको लागि प्रस्ताव गरेका थिए ।
