एजेन्सी । कोरोना भाइरस संक्रमित बलिउडकी चर्चित गायिका कनिका कपूर अहिले अस्पतालमा छिन् ।
उनी लखनउको पिजिआई अस्पतालमा उपचाररत छिन् ।
उनको स्वास्थ्य जाँच गर्दा चार पटकसम्म कोरोना पोजेटिभ देखिएको थियो ।
हालै उनको पाँचौं पटक स्वास्थ्य जाँच गरिएको छ । पाँचौं रिपोर्टमा भने उनमा कोरोना भाइरसको नेगेटिभ रिपोर्ट आएको छ ।
यसैबीच उनलाई तत्काल अस्पतालबाट छुट्टी भने नमिल्ने भएको छ ।
चिकित्सकका अनुसार, उनी अझै केही दिन अस्पतालमा बस्नुपर्ने हुन्छ । उनको पुनः एक पटक स्वास्थ्य जाँच गर्नुपर्ने हुन्छ ।
अबको क्रममा उनलाई कोरोना भाइरस नेगेटिभ देखिएमा मात्र अस्पतालबाट बिदाई गरिने छ ।
हालै कनिकाले सामाजि सञ्जालमा एक पोस्ट गर्दै आफ्नो स्वास्थ्य अवस्था पहिलेको भन्दा राम्रो रहेको बताएकी छिन् ।
उनले अस्पतालमा चिकित्सक र नर्सहरुलाई गीत गाएर सुनाउने गरेकी छिन् ।
सुरुमा अस्पताल भर्ना भएपछि कनिकाले अस्पतालका कर्मचारीलाई सहयोग नगरेको र आफू स्टार भएको घमण्ड उनले देखाउने गरेको खबर सार्वजनिक भएको थियो । त्यसपछि कनिकाको निकै आलोचना हुँदै आएको थियो ।
गायिका कनिकालाई कोरोना कनिकाले भेटिकी थिइन् २६६ जनालाई, के आयो उनीहरुको रिपोर्ट ?
'अस्पतालमा कनिकाको घमण्ड'कनिका गत मार्च ९ मा लण्डनबाट मुम्बई आएकी थिइन् । त्यसको दुई दिनपछि उनी लखनउ पुगिन् ।
कनिकाले लखनउमा पार्टी आयोजना गरिन् । उक्त पार्टीमा विभिन्न राजनेता, उत्तर प्रदेशका केही मन्त्री तथा अन्य मानिसको सहभागिता थियो ।
‘बेबी डल’ गीत गाएर चर्चामा आएकी कनिका बलिउडकी व्यस्त गायिकामा गनिन्छिन् । उनले आफ्नो स्वरबाट धेरै फ्यानहरु कमाएकी छिन् ।
