एजेन्सी । कोरोना भाइरसको डर विश्वभर फैलिएको छ । कोरोना भाइरसबाट ३२ सय भन्दा बढी मानिसको ज्यान गइसकेको छ ।
कोरोना भाइरस भारतमा पनि देखिएको छ । बलिउड सेलिब्रेटीमा पनि यस भाइरसको त्रास देखिएको छ ।
केही सेलिब्रेटीले आफ्नो पूर्व निर्धारित कार्यक्रम नै रद्द तथा मिति परिवर्तन गरेका छन् ।
दीपिका पादुकोण
कोरोना भाइरसका कारण बलिउड अभिनेत्री दीपिका पादुकोण पेरिस फेसन विक शोमा जान सकिनन् ।
कोरोना भाइरसको डरका कारण उनले आफ्नो यात्रा रद्द गरेकी हुन् ।
सन्नी लियोनी
सन्नी लियोनीको हालै एक भिडियो सामाजिक सञ्जालमा भाइरल भएको थियो ।
भिडियोमा उनले फ्यानहरुको साथमा सेल्फी लिन अस्विकार गरेकी थिइन् । मानिसले उनको क्रियाकलापलाई ट्रोल समेत बनाएका थिए ।
तर, सन्नीले केही समयपछि भनिन् ‘म र मेरो परिवारलाई कोरोनाबाट सुरक्षित राख्न चाहन्छु । त्यसैले सावधानी अपनाएकी हुँ ।’
