काठमाडौं । अभिनेत्री प्रियंका कार्की र अभिनेता आयुष्मान देशराज आज विवाह बन्धनमा बाँधिदैछन् ।
आज (फेब्रुअरी २७) प्रियंकाको जन्म दिन हो । आफ्नो जन्मदिनको अवसरमा उनले विवाह गर्ने निर्णय गरेको केही दिन अघि नै जानकारी दिएकी थिइन् ।
उनीहरूले करिब एक वर्षअघि नै इन्गेजमेन्ट गरेर सँगै बस्दै आएका थिए ।
केही समयअघि प्रियंकाले आफ्ना नजिका साथीहरुसँग थाइल्याण्ड पुगेर ब्याचलर्स पार्टी गरेकी थिइन् ।
त्यसको केही समयपछि आयुष्मान पनि आफ्ना नजिकका केटा साथीहरुलाई लिएर ब्षचलरर्स पार्टी मनाउन पोखरा पुगेका थिए । त्यहाँ उनले प्रियंकाकै पोजहरुमा तस्विर खिचाएका थिए । उक्त तस्विर निकै भाइरल भएको थियो ।
फिल्म अभिनयको सिलसिलामा यी दुईबीच करिब तीन वर्षअघि भेट भएको थियो ।
भेटपछि नजिकिएका यी दुई एक अर्काबीना बाँच्न नसक्ने अवस्थासम्म पुगेका छन् ।
सन् २०१८ को फेब्रुअरी १४ मा दुवैले आफ्नो प्रेमसम्बन्ध सार्वजनिक गरेका थिए।
प्रियंकाको यो दोस्रो विवाह हो । अमेरिका बसाइका क्रममा उनको पहिलो वैवाहिक सम्बन्ध टुटेको थियो ।
