काठमाडौं । अभिनेत्री प्रियंका कार्की र अभिनेता आयुष्मान देशराज जोशी यसै महिना विवाह वन्धनमा बाँधिने भएका छन् ।
विवाहको जानकारी यो जोडी आफैंले दिएका हुन् । फागुन १५ गते प्रियंका आयुष्मान विवाह विवाह बन्धनमा बाँधिने पक्का भएको छ ।
फेब्रुअरी २७ मा प्रियंकाको जन्म दिन हो । उनले आफ्नो जन्मदिनको शुभअवसर पारेर आयुष्मानसँग लगनगाँठो कस्न लागेकी हुन् ।
उनीहरूले करिब दुई वर्षअघि नै इन्गेजमेन्ट गरेर सँगै बस्दै आएका थिए ।
केही समयअघि प्रियंकाले आफ्ना नजिका साथीहरुसँग थाइल्याण्ड पुगेर ब्याचलर्स पार्टी गरेकी थिइन् ।
फिल्म अभिनयको सिलसिलामा यी दुईबीच करिब तीन वर्षअघि भेट भएको थियो । भेटपछि नजिकिएका यी दुई एक अर्काबीना बाँच्न नसक्ने अवस्थासम्म पुगेका छन् ।
सन् २०१८ को फेब्रुअरी १४ मा दुवैले आफ्नो सम्बन्ध सार्वजनिक गरेका थिए।
प्रियंकाको यो दोस्रो विवाह हो । अमेरिका बसाइका क्रममा उनको पहिलो वैवाहिक सम्बन्ध टुटेको थियो ।
