काठमाडौं । महोत्तरीको बर्दिबासमा बालिका बलात्कार तथा हत्या घटनामा भएको प्रदर्शनका क्रममा प्रहरीको गोली लागि एक जनाको मृत्यु भएको विषयमा गृह मन्त्रालयले छानबिन समिति गठन गरेको छ ।
बर्दिवास नगरपालिका–१४ की ६ वर्षीया बालिका गुलाव खातुनको बलात्कार पछि हत्या भएको घटनाविरुद्ध भएको प्रदर्शनका क्रममा प्रहरीले चलाएको गोली लागि स्थानीय बुद्धिराज न्यौपानेको मंगलबार मृत्यु भएको थियो ।
गृह मन्त्रालयले बिहीबार सूचना प्रकाशित गरी मन्त्रालयका उपसचिवको नेतृत्वमा तीन सदस्यीय छानबिन समिति गठन गरिएको जनाएको छ ।
साथै मृतक बालिका खातुन र न्यौपानेको परिवारलाई उचित क्षतिपुर्ती दिने र घाइतेको उपचार गर्ने मन्त्रालयको सूचनामा उल्लेख छ ।
मन्त्रालयले घटनाका दोषीमाथि कारबाही गर्ने प्रतिवद्धता समेत जनाएको छ ।
हराएकी ६ वर्षीया बालिकाको शव बोरामा भेटियो, एक पक्राउ
बलात्कार आरोपीको घरमा आगो : प्रहरीलाई निभाउन दिइएन, गोली लागेर तीन घाइते
बर्दिवासमा निषेधाज्ञा, ५ जनाभन्दा बढी भेला हुन रोक
६ वर्षीया बालिका हत्या प्रकरण : राजमार्ग बन्दले यात्रुलाई सास्ती
निषेधाज्ञाको अवज्ञा गर्दै मेयरको पुत्ला जलाइयो बर्दिबासमा आन्दोलनरत पक्ष र प्रशासनबीच चार बुँदे सहमति बर्दिवासमा आज पनि प्रदर्शन : पूर्व-पश्चिम राजमार्ग अवरुद्ध
