काठमाडौं । पछिल्लो २४ घण्टामा कोरोना संक्रमणका कारण विभिन्न अस्पताल र होम आइसोलेसनमा रहेका थप १५ जनाको मृत्यु भएको छ ।
स्वास्थ्य तथा जनसंख्या मन्त्रालयले दिएको जानकारीअनुसार यससँगै मृत्यु हुने संक्रमितको कुल संख्या ११ सय ८९ पुगेको छ ।
त्यस्तै, मंगलबार देशभर पछिल्लो २४ घण्टामा थप १९ सय १३ जना नयाँ संक्रमित थपिएका छन् ।
आज २३ सय ४९ जना कोरोना संक्रमित डिस्चार्ज भएका मन्त्रालयको तथ्यांकमा उल्लेख छ ।
