सुदूरपश्चिम प्रदेशमा आज ११९ जना कोभिड-१९ का संक्रमित थपिएका छन् । प्रदेशको सामाजिक विकास मन्त्रालयका अनुसार आज कैलाली, कञ्चनपुर, बझाङ, दार्चुला र डोटी जिल्लामा नयाँ संक्रमित थपिएका हुन् । आज थपिएका समेत प्रदेशमा हालसम्म कूल ७ हजार ७८० जना संक्रमित पुगेका छन् ।
मन्त्रालयको तथ्याङ्कका अनुसार सक्रिय संक्रमितकाे संख्या १ हजार ७४ जना छन् । असोज महिना लागेसँगै प्रदेशमा संक्रमित हुने र मृत्यु हुने दरमा केही वृद्धि भएको छ । कोरोना भाइरसको संक्रमितमणबाट पछिल्लो २० दिनमा थप छ जनाको मृत्यु भएपछि आजसम्म यो रोगबाट मृत्यु हुनेको सङ्ख्या १८ पुगेको छ । पछिल्ला दिनमा कोभिड-१९ का सक्रिय संक्रमितको दर पनि बढ्दै गएको देखिएको छ ।
तोकिएका स्वास्थ्य सुरक्षाका मापदण्ड नअपनाई खासगरी बजार क्षेत्रमा सर्वसाधारणको चहलपहल बढ्दै जाँदा यो रोगको जोखिम पनि बढेको स्वास्थ्यकर्मीको भनाइ छ । धनगढी उपमहानगरपालिका स्वास्थ्य शाखाका अधिकृत लक्ष्मीराज उपाध्यायले सहरी क्षेत्रमा सर्वसाधारणको भीड बढ्नुका साथै होमआइसोलेशनमा बस्नेहरूले तोकिएका स्वास्थ्य सुरक्षाका मापदण्ड अपनाउन गरेको लापरवाहीले संक्रमितमण पनि बढ्दै गएको बताए ।
कोभिड—१९को संक्रमितमणका कारण हालसम्म प्रदेशको कैलाली जिल्लाका नौ जना, अछाम, बझाङ र बाजुराका दुई/दुई जना र कञ्चनपर, डडेलधुरा र बैतडीका एक/एक जनाको संक्रमितको मृत्यु भएको छ । यसैबीच जिल्ला प्रहरी कार्यालय कैलालीका प्रमुख प्रहरी उपरीक्षकसहित आज २२ जना प्रहरीमा कोभिड-१९ को संक्रमितमण पुष्टि भएको छ । योसँगै कार्यालयका ४६ जना प्रहरी संक्रमित भएको जिल्ला प्रहरी कार्यालयका प्रवक्ता प्रतीक बिष्टले जानकारी दिए- ‘‘संक्रमित सबै प्रहरी आइसोलेशनमा हुनुहुन्छ, बिष्टले भने, ‘‘प्रहरी उपरीक्षक भने आफैँ निवासको होमआइसोलेशनमा छन् ।”
