बुटवल । कोरोना भाइरस सङ्क्रमणका कारण थप एक जनाको मृत्यु भएको छ ।
बुटवल कोरोना विशेष अस्पतालमा उपचाररत सैनामैना नगरपालिका–७ रामापुरका ४० वर्षीय पुरुषको मृत्यु भएको हो ।उनी यही असोज ११ गते कोरोना पोजेटिभ देखिएसँगै असोज १३ मा अस्पताल भर्ना भएका थिए ।
पछिल्लो समय भेन्टिलेटरमा उनको उपचार हुँदै आएको थियो । सोही उपचारका क्रममा उनको मृत्यु भएको लुम्बिनी प्रादेशिक अस्पतालले जानकारी दिएको छ ।