सप्तरी । सप्तरीको रुपनी गाउँपालिका ६ का वडाध्यक्ष गोविन्दसिंह थापा मगरको मृत्यु भएको छ।
परिवारका सदस्यका अनुसार केही महिनादेखि बिरामी रहेका मगरलाई उपचारका लागि धरान लैजाँदै गर्दा बाटोमै मृत्यु भएको हो ।
बिपी कोइराला स्वास्थ्य विज्ञान प्रतिष्ठान धरानका चिकित्सकले मृत घोषणा गरेपछि उनको शव घर ल्याउन लागिएको रुपनी गाउँपालिका अध्यक्ष हरेराम यादवले जानकारी दिए ।
विराटनगरस्थित विराट नर्सिङ अस्पतालमा नौ दिन अस्पताल बसी घर फर्किए पनि स्वास्थ्यावस्था गम्भीर भएपछि पुन: अस्पताल लैजाने क्रममा बाटोमै उनको मृत्यु भएको हो ।
उनी स्थानीय तहको निर्वाचनमा नेपाली कांग्रेसको तर्फबाट वडाध्यक्षमा निर्वाचित भएका थिए ।
