काठमाडौं । भक्तपुरमा एकैघरका ३ जना आफ्नै घरमा मृत भेटिएका छन् ।
मध्यपुरथिमि नगरपालिका-९ निकोसेरामा सुदीप अधिकारी, उनकी पत्नी सुशीला र छोरा सुशान्त मृत अवस्थामा भेटिएका हुन् ।
घरमा रहेको कुकुर पनि मरेको अवस्थामा भेटिएको महानगरीय प्रहरी अपराध महाशाखाले जनाएको छ ।
शव गन्हाइरहेको अवस्थामा रहेकाले केही दिनअघि नै मृत्यु भएको हुन सक्ने प्रहरीले अनुमान गरेको छ
घटनाबारे जानकारी पाएपछि भक्तपुरका एसपी तारादेवी थापा र महानगरीय अपराध महाशाखाका प्रमुख एसएसपी दीपक थापा घटनास्थलमा गएकाे प्रहरीले जनाएकाे छ । प्रहरीले हत्या आशंकामा अनुसन्धान सुरु गरिएकाे जनाएकाे छ ।
