चितवन। चितवन राष्ट्रिय निकुञ्जमा  दुर्लभ मानिने एकसिंगे गैंडा मृत भेटिएको छ।

 प्रमुख संरक्षण अधिकृतका अनुसार निकुञ्जको रातोपानी घोल भन्ने स्थानमा टाउकोमा दुई गोली लागेको अवस्थामा गैँडा मृत भेटिएको हो । उनका अनुसार मृत गैंडा घोलमा डुबेको छ ।

सो गैँडा निकुञ्जको गस्ती टोलीले भदौ २१ गते मा भेटेको थियो । सो गैँडा ५/७ दिन अगाडि मारेको हुन सक्ने अनुमान गरेको छ । तर, मृत भेट्टिएको सो गैंडाको खाग र खुर सुरक्षित रहेको बताइएको छ । निकुञ्ज स्रोतका अनुसार २०७३ सालयता तस्करले कुनै पनि गैँडा मारेका थिएनन् ।