काठमाडौं । स्थानीयवासीले डाक्टर, नर्सलगायत स्वास्थ्यकर्मी बसेको घर घेराउ गरेका छन् ।
राजधानी केन्द्रबिन्दु बानेश्वरको मिलनचोकमा शनिबार स्थानीयले स्वास्थ्यकर्मी बसेको होस्टेल होस्टेल घेराउ गरेका हुन् ।
स्थानीयले सञ्चालकलाई गालीगलौज गर्दै स्वास्थ्यकर्मी नराख्न भन्दै सो होस्टेल भएको घर घेराउ गरेका हुन् । सो होस्टेलमा सिभिल अस्पतालमा काम गर्ने स्वास्थ्यकर्मी बस्दै आएका छन् ।
लर्ड बुद्ध बोइज एण्ड गर्ल होस्टलका सञ्चालक रोहित रानाले पचास साठीको टोलीले धक्याउँदै घर घेराउ गरेको बताए ।
स्थानीयले कोरोनाकाे महामारीकाे समयमा अनुमतिबिना स्वास्थ्यकर्मी होस्टेलमा राखेको भन्दै तत्काल यहाँबाट स्वास्थ्यकर्मी हटाउन माग गरेका छन् । होस्टेल सञ्चालकका अनुसार स्थानीयले घर घेराउ गरी स्वास्थ्यकर्मीलाई दुर्व्यवहार गरेका थिए ।