काठमाडौं । वीरगञ्जबाट कोरोनामुक्त भएर २० जना घर फर्किएका छन् ।
वीरगञ्जस्थित होटल रानीपोखरी सेमी-आइसोलेसन सेन्टरबाट शनिबार गरिएको परीक्षणमा कोरोना नेगेटिभ देखिएपछि उनीहरु घर फर्केका हुन् । कुल ५२ जनामध्ये शनिबार २० जनामा कोरोना नेगेटिभ देखिएपछि उनीहरुलाई घर पठाइएको सो आइसोलेसन व्यवस्थापक दीलिपराज कार्कीले जानकारी जानकारी दिए ।
शनिबार सो क्वारेन्टाइनबाट कोरोनालाई पराजित गरी घर फर्किनेहरुमा वीरगञ्ज–२५ सिर्सिया बस्ने ४६, ५८, ६०, ४८, ५०, ४२, ३६, ५०, ५५ र ७२ वर्ष समूह पुरुष छन् भने वीरगञ्ज नगवा बस्ने २५ र २६ वर्षीय युवक, वीरगञ्ज प्रगतीनगर बस्ने २४ वर्षीया महिला र ५५ वर्षीय पुरुषलगायत छन् । योसँगै सो जिल्लामा कोरोनालाई जिती घर फर्किनेको संख्या तीन सय ४५ पुगेको छ ।
