काठमाडौं । काठमाडौंको बलम्बुस्थित सशस्त्र प्रहरी अस्पतालमा दुई जना कोरोना संक्रमितको मृत्यु भएको छ । काठमाडौं र सप्तरीका दुई संक्रमितको मृत्यु भएको हो ।
काठमाडौंका ७६ वर्षीय पुरुषको हिजो साँझ ७ बजे मृत्यु भएको अस्पतालका सूचना अधिकारी प्रहरी उपरीक्षक डा. प्रविण नेपालले जनाकारी दिए ।
उनी ६ दिनदेखि होम आइसोलेसनमा बसेका थिए । स्वास्थ्यमा थप समस्या आएपछि उनलाई अस्पताल लगिएको थियो । अस्पतालमा पुगेको एक घण्टामा नै उनको मृत्यु भएको थियो ।
त्यस्तै, सप्तरी राजविराजका ७७ वर्षीय वृद्धको आज बिहान १० बजे मृत्यु भएको छ । गम्भीर अवस्थामा उनलाई बिहीबार साँझ अस्पताल ल्याइएको थियो ।
राजविराजबाट साउन ३० गते उनलाई काठमाडौं ल्याइएकोथियो । स्वाब परीक्षणपश्चात साउन ३२ गते उनमा कोरोना संक्रमण पुष्टि भएको थियो ।
