सप्तरी । सप्तरीमा थप एक कोरोना संक्रमितको मृत्यु भएको छ । उनको मृत्युपछि कोरोना संक्रमण पुष्टि भएको हो ।
राजविराज नगरपालिका-४ का २८ वर्षीय युवकमा मृत्युपछि कोरोना संक्रमण पुष्टि भएको हो ।
केही दिनदेखि रुघा खोकी, स्वाशप्रश्वाश, दम लगायतको समस्या देखिएपछि मृतकलाई मंगलवार छिन्नमस्ता अस्पताल राजविराज भर्ना गरिएको थियो ।
त्यहाँबाट उनलाई विपी कोईराला विज्ञान प्रतिष्ठान धरानमा रिफर गरिएको थियो । उपचारकको क्रममा मंगलबार नै उनको विपी कोईराला विज्ञान प्रतिष्ठानमा मृत्यु भएको हो ।
मृत्युपछि उनको स्वाब परीक्षण गरिएको थियो । बुधबार राति आएको रिपोर्टमा युवकमा कोरोना पोजेटिभ देखिएको जिल्ला स्वास्थ्य कार्यालय सप्तरीका प्रमुख दुनियालाल यादवले जानकारी दिए ।
सप्तरीमा कोरोना संक्रमणबाट मृत्यु हुनेको संख्या चार पुगेको छ ।
यसैबीच, प्रदेश २ मा कोरोना संक्रमणबाट ४८ जनाले ज्यान गुमाइसकेका छन् ।
