वीरगञ्ज । कोरोना संक्रमणलाई जिती कोरोना अस्पतालबाट डिस्चार्ज भएका एक व्यक्तिको मृत्यु भएको छ ।
आइतबार कोभिड अस्पतालबाट डिस्चार्ज भएको केही घण्टामै वीरगञ्ज महानगरपालिका-१३ शिवनगरका ५६ वर्षीय एक पुरुषको मृत्यु भएको हो ।
मृतक नारायणी कोभिड विशेष अस्थायी अस्पताल वीरगञ्ज हेल्थकेयरबाट शनिबार राति कोरोना संक्रमणमुक्त भएर डिस्चार्ज भएका थिए ।
नारायणी अस्पतालको पीसीआर प्रयोगशालामा गरिएको परीक्षणमा उनको रिपोर्ट नेगेटिभ आएको थियो । रिपोर्ट नेगेटिभ आएसँगै अस्पतालले उनलाई डिस्चार्ज गरेको थियो ।
यसका अलवा मृतकका एक छोरामा पनि कोरोना संक्रमण पुष्टि भएको छ ।
