काठमाडौं । नेपालमा पछिल्लो २४ घण्टामा थप ५२५ जनामा कोरोना भाइरस (कोभिड–१९) संक्रमण पुष्टि भएको छ ।
बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभरका प्रयोगशालामा गरिएको परीक्षणमा थप ५२५ जनामा कोरोना पुष्टि भएको जानकारी दिए ।
प्रवक्ता गौतमका अनुसार, हाल नेपालमा ८ हजार २५ जना सक्रिय संक्रमित छन् । आज देशभर ९ हजार ८५९ जनाकाे काेरोना परीक्षण गरिएकाे छ ।
साथै आजसम्म १६ हजार ८३७ जनाले काेरोना जितेका छन् । साथै १४ हजार ७६९ जना क्वारेन्टाइनमा रहेका छन् ।
