काठमाडौं । नेपालमा पछिल्लो २४ घन्टामा ४८४ जनामा कोरोना संक्रमण पुष्टि भएको छ ।
यो संख्यासँगै नेपालमा कुल संक्रमितको संख्या २४ हजार चार सय ३२ पुगेको छ । त्यसैगरी नेपालमा कोरोन भाइरस संक्रमणकै कारण पछिल्लो २४ घन्टामा १० जनाले ज्यान गुमाएका छन् । योसँगै नेपालमा कोरानाका कारण ज्यान गुमाउनेको संख्या ९२ पुगेको छ ।
त्यसैगरी कोरोना संक्रमणलाई जिती घर फर्कनेको कुल संख्या १६ हजार सात सय २८ छ ।
२४ घन्टामा कहाँ कतिले गुमाए ज्यान
पछिल्लो २४ घन्टामा सबैभन्दा बढी काठमाडौंको किस्ट अस्पतालमा दुई जनाले ज्यान गुमाएका छन् । त्यसैगरी, ह्याम्स, मेडिसिटी, पाटन, बीपी कोरोइराला स्वास्थ्य विज्ञान प्रतिष्ठान र बुटवल कोरोना विशेष अस्पतालमा एक/एकको ज्यान गएको छ ।
यसका अलवा सप्तरीमा अस्पताल लैजाँदै एकको निधन भएको छ भने महोत्तरी र बारामा मृत्युपश्चात एक/एक जनामा कोरोना संक्रमण पुष्टि भएको छ ।
