बुटवल । पाल्पाको रैनादेवी छहरा गाउँपालिका वडा नम्बर–७ का अध्यक्ष देवेन्द्र पुन घुससहित पक्राउ परेका छन् ।
अख्तियार दुरुपयोग अनुसन्धान आयोग बुटवलले शनिबार बिहान वडाध्यक्ष पुनलाई तीन लाख रुपैयाँ घुससहित पक्राउ गरेको हो ।
अख्तियारका अनुसार, वनको काठ खरिद गर्दा सहजीकरण गरिदिने भन्दै उनले ठेकेदारसँग घुस लिएका थिए ।
सो घुसबापतको रकम लिँदै गरेको अवस्थामा पुनलाई सालझन्डी–१० सैनामैनाबाट नियन्त्रणमा लिइएको अख्तियार दुरुपयोग अनुसन्धान आयोग बुटवलका प्रवक्ता सुरेश भुसालले जानकारी दिए ।
उनीमाथि थप अनुसन्धान भइरहेको छ ।
