बाजुरा । बाजुराको एक क्वारेन्टाइनमा बसेका ६५ वर्षीय पुरुषको मृत्यु भएको छ ।
खप्तड छेडेदह गाउँपालिका–७ मा रहेको आधारभुत विद्यालयको क्वारेन्टाइनमा बसेका उनको आज बिहान मृत्यु भएको हो ।
उनी जेठ १५ गते भारतबाट आएका थिए । उनी दमको बिरामी रहेको बुझिएको छ ।
उनमा कोरोना संक्रमण भए–नभएको बुझ्नका लागि स्वाब संकलन गरेर परीक्षण गर्ने तयारी भइरहेको छ ।
उनको रिपोर्ट आएपछि मात्र शवको व्यवस्थापन गरिने बताइएको छ ।
