डडेल्धुरा । डडेल्धुराको क्वारेन्टाइनमा बसेकी एक महिलाको मृत्यु भएको छ ।
गन्यापधुरा गाउँपालिका १ असिग्राम आधारभुत विद्यालय रौनाकोट क्वारेन्टाइनमा बसेकी ३० वर्षीया महिलाको मृत्यु भएको प्रहरीले जनाएको छ ।
मृतक महिला र उनका श्रीमान भारतबाट चार दिन पहिले आएको वडाल प्रहरी चौकीका इन्चार्ज प्रहरी सहायक निरीक्षक धनबहादुर विष्टले बताए ।
राति शौचालय गएकी महिला एक्कासी बेहोस भएपछि मृत्यु भएको प्रहरीले जनाएको छ ।
गाउँपालिका अध्यक्ष नवलबहादुर मल्लले महिलाको मृत्यु भएको पुष्टि गरे ।
उनका अनुसार, घटनास्थलमा चिकित्सकको टोली जाँदै छ ।
