नेपाली सेफ सन्तोष साह 'बिबिसी मास्टर सेफ प्रोफेसनल्स २०२०' टेलिभिजन रियालिटी शोको फाइनल चरणमा प्रवेश गरेका छन् ।
'बिबिसी वान' मा बिहीबार बेलुका प्रशारित सेमिफाइनल चरणमा उनले जजहरुलाई नेवारी परिकार योमरी चखाएका थिए । त्यसपछि उनी शीर्ष ६ मा सहित अन्तिम चरणमा पुप्रवेश गरेका हुन् ।
जजहरुको आग्रहमा सन्तोषले योमरीबाहेक चिकेन चिल्ली, हट एन्ड साओर सुप, क्रिस्पी नुडल्सलगायत परिकार बनाएका थिए ।
सिरहाबाट कामका लागि भारत गएका सन्तोषले भारतमै कुकिङ सिकेका थिए । त्यहाबाट उनी सेफकै रुपमा २०१० मा लण्डन पुगेका हुन् ।
बिहीबार सहभागी ४ प्रतियोगीमध्ये उत्कृष्ट प्रदर्शन गरेपछि सन्तोष सिधै फाइनल राउन्डमा पुगेका हुन् ।
फाइनल १७ डिसेम्बरमा हुँदैछ ।
प्रतियोगितामा कुल ३२ व्यावसायिक सेफहरुको सहभागिता थियो । विभिन्न चरण पार गर्दै सिरहाका सन्तोष शीर्ष ६ मा पुगेका हुन् ।