चर्चित अभिनेत्री तथा विपी कोइरालाको नातिनी मनिषा कोइरालाले आज कात्तिक २५ गते शुक्रबार राप्रपालाई भोट माग्दै छन् ।
पोखरा र स्याङ्जाको वालिङमा हुने चुनावी सभामा सम्बोधन गरेर उनी काठमाडौंको बसन्तपुरमा हुने सभामा भाग लिने छन् ।
हिन्दु राष्ट्र र संवैधानिक राजसंस्थाको पक्षमा मनिषाले राप्रपाको हलो चिन्हमा भोट माग्ने छन् । तीनवटै सभामा राप्रपा अध्यक्ष राजेन्द्र लिङ्देनले प्रमुख अतिथि हुनेछन् ।
अभिनेत्री मनिषा पहिलेदेखि नै राजा र हिन्दु राष्ट्रको पक्षमा थिइन् । राप्रपालाई भोट मागे पनि उनी पार्टी प्रवेश गरेकी भने होइनन् ।
चलचित्र फेरि भेटौलाबाट फिल्म क्षेत्रमा लागेकी मनिषाले बलिउडमा मान र दाम दुबै कमाएकी छन् ।
मनिषा विपी पुत्र प्रकाश कोइरालाको छोरी हुन् ।
