कानुन व्यवसायीहरूको सर्वोच्च अदालतको मूल गेटमा धर्ना छल्दै अदालत पुगेका प्रधानन्यायाधीश चोलेन्द्र शम्शेर जबराले आज आठ वटा इजलास गठन गरेका छन् । आफूलाई भने उनले इजलास तोकेका छैनन् ।

उनले आठ वटा इजलासमा २२३ थान मुद्दाको सुनुवाइ तोकेका छन् ।

त्यसमध्ये सात वटा पूर्ण इजलास छन् । न्यायाधीश हरिकृष्ण कार्कीको एकल इजलास तोकिएको छ । त्यहाँ २३ मुद्दा राखिएको छ ।

न्यायाधीशहरू दीपककुमार कार्की र कुमार चुँडाल, मीरा खडका र प्रकाशमान सिंह राउत, विश्वम्भरप्रसाद श्रेष्ठ र हरिप्रसाद फुयाँल, डा. आनन्दमोहन भट्टराई र सुष्मालता माथेमा, बमकुमार श्रेष्ठ र मनोजकुमार शर्मा, प्रकाशकुमार ढुंगाना र नहकुल सुवेदी तथा तेजबहादुर केसी र कुमार रेग्मीका सात वटा संयुक्त इजलास तोकिएको छ ।